Тываның Баштыңы республикада чедип келген болгаш, дорт-ла ажыл-херекче кирипкен

0
108

Бо эртен Кызылдың аэропортунга ужуп келген самолет-биле Тываның Баштыңы Шолбан Кара-оол чедип келген дээрзин #Тыванын_аныяктары солун дыңнадып турар. Ол Москвага пневмониядан эмнээшкинни эрткен. Чазын Ш. Кара-оол «ковидтен» чиик хевирге аараан турган. А август айның төнчүзүнде дагын аараанындан коронавирус хамчыынга каразааны-биле, төп хоорайже эмчилеп чоруур ужурга таварышкан.
Тываның Баштыңы Шолбан Кара-оолдуң ажылчын хүнү дүүн-не эгелээнин ол бодунуң блогунда бижээн: — Сенатор Дина Ивановна-биле федералдыг ведомстволарга республиканың сонуургалдарын камгалаар дугайында айтырыгларны чугаалаштывыс.
Шолбан Кара-оол бо хүннү Мөңгүн-Тайга кожуунда пандемияга хамаарышкан кол-кол айтырыглардан эгелээн. Эртен чаңчыл езугаар Чазактың аппарат хуралынга чугула айтырыгларны чугаалажыр.

#караоол #коронавирус #москва #кызыл #тыва #тыванын_аныяктары #газеташын #шынсолун #тывамедиагрупп #тувинскаяправда #новоститувы #новоститыва #тува24 #новоститува24 #сылдысчыгашсолун #солунтыванынаныяктары
Чурукту социал четкиден алган.